ថ្ងៃនេះ​ ៧១ឆ្នាំមុន អាមេរិក​ទម្លាក់​គ្រាប់​បរមាណូ​កម្ទេច​ទីក្រុង​ជប៉ុន​ហ៊ី​រ៉ូ​ស៊ី​ម៉ា​

អត្ថបទដោយ ៖ ប៉េង ហុង ម៉ោង ៖ Saturday, August 06, 2016

ថ្ងៃ ៦ សីហា ឆ្នាំ​១៩៤៥ នៅ​ម៉ោង​ប្រហែល ២ ៖៤៥​នាទី​ព្រឹក (​ម៉ោង​ប្រទេស​ជប៉ុន​) យន្តហោះ​ទម្លាក់​គ្រាប់បែក B-29 អាមេរិក​មួយគ្រឿង​ឈ្មោះ Enola Gay បាន ហោះ​ចេញពី​កោះ​Tinian ដើម្បី​កម្ទេច​ទីក្រុង​ជប៉ុន ហ៊ី​រ៉ូ​ស៊ី​ម៉ា​។ យន្តហោះ​នេះ​បានធ្វើ​ដំណើរ​មកដល់​ទី​ក្រុង​ហ៊ី​រ៉ូ​ស៊ី​ម៉ា (Hiroshima) ​និង​ដាច់ចិត្ត​ទម្លាក់​គ្រាប់​នៅ​ម៉ោង​៨៖១៦​នាទី​ព្រឹក​។ រឿង​ដែល​រន្ធត់​បំផុត​នោះ​គ្រាន់តែ​គ្រាប់បែកបរមាណូ​ធ្លាក់​ដល់​ដី​ភ្លាម ទីក្រុង​ទាំងមូល​ខ្ទេច​ស្ទើរ​គ្មាន​សល់ ហើយ​មនុស្ស​ប្រហែល ៨​ម៉ឺន​នាក់​ស្លាប់​ភ្លាមៗ និង​មនុស្ស​ប្រហែល​៣៥០០០​នាក់​ទៀត​រងរបួស​ផងដែរ ។

គ្រាប់បែកបរមាណូ ​ដែល​សម្លាប់​មនុស្ស​រាប់សែន​នាក់​នៅ​ទីក្រុង ហ៊ី​រ៉ូ​ស៊ី​ម៉ា​ត្រឹម​ជា​គ្រាប់បែក​ទីមួយ ហើយ​ត្រូវបាន​គេ​ស្គាល់​ឈ្មោះថា  Little Boy ។ បី​ថ្ងៃក្រោយ​ការទម្លាក់​គ្រាប់​នេះ គ្រាប់បែកបរមាណូ​មួយ​គ្រាប់​ទៀត​ត្រូវបាន​ទាហានជើងអាកាស​អាមេរិក​ទម្លាក់​ កម្ទេច​ទីក្រុង​ជប៉ុន ណាកាសាគី (Nagasaki)  ដែល​បណ្តាល​ឲ្យ​ប្រជាជន​រាប់ម៉ឺន​នាក់​ផ្សេងទៀត​ស្លាប់​យ៉ាង​អាណោច​អាធ​ម​។ ​

 

​គេ​ដឹង​ច្បាស់​ថា ការទម្លាក់​គ្រាប់បែក​ប្រល័យ​លោក​កម្ទេច​ទីក្រុង​ជប៉ុន​នេះ ជាការ​សម្រេចចិត្ត​ផ្ទាល់​របស់​ប្រធានាធិបតី​អាមេរិក Harry S. Truman ក្រោយ​ខឹង​ជប៉ុន​មិន​ព្រម​ចុះចាញ់​សង្គ្រាមលោកលើកទី​២​ដោយ​ឥត​លក្ខខណ្ឌ​តាម​ អ្វីដែល​ភាគី​សន្និសីទ​ក្រុង Potsdam បានទាមទារ​។​ប្រធានាធិបតី​យល់ថា ការទម្លាក់​គ្រាប់បែកបរមាណូ​ប្រឆាំង​ជប៉ុន​នេះ​នឹង​ការពារ​មិន​ឲ្យ​សង្គ្រាម ​រីក​រាលដាល និង​ការបាត់​បង់ជីវិត​មនុស្ស​កាន់តែច្រើន ប្រសិនជា​អាមេរិក​ត្រូវ​ប្រើប្រាស់​ទ័ព​វាយ​ឈ្លានពាន​ទឹកដី​ជប៉ុន​។ ប៉ុន្មាន​ថ្ងៃ​ប៉ុណ្ណោះ​ក្រោយ​រង​ការបំផ្លិចបំផ្លាញ​យ៉ាងដំណំ​ដោយ​គ្រាប់​ បរមាណូ​ពីរ​គ្រាប់ មេដឹកនាំ​ជប៉ុន​យល់ព្រម​ប្រកាស​លើក​ទង់ជ័យ​ស ចុះចាញ់​សង្គ្រាម​ដោយ​ឥត​លក្ខខណ្ឌ​មែន ប៉ុន្តែ​សង្គ្រាមលោកលើកទី​២​ចប់​ជា​ផ្លូវការ​នៅ​ដើមខែ​កញ្ញា​ឆ្នាំ ១៩៤៥​។​

 

​មកទល់​ពេល​បច្ចុប្បន្ននេះ នៅតែមាន​ការជជែក​ពិភាក្សាគ្នា​ជុំវិញ​ការទម្លាក់​គ្រាប់បែក​នេះ ដោយ​ខ្លះ​អះអាងថា ការទម្លាក់​គ្រាប់បែកបរមាណូ​ប្រឆាំង​ជប៉ុន​ជា​កំហុសឆ្គង​របស់​អាមេរិក ព្រោះ​អាមេរិក​អាចមាន​វិធី​ផ្សេងទៀត​ដើម្បី​ដាក់​គំនៀប​ឲ្យ​ជប៉ុន​ចុះចាញ់ ដោយ​មិនបាច់​ប្រើ​អាវុធ​ប្រល័យ​លោក​នេះឡើយ​។ យ៉ាងណា​ក៏ដោយចុះ ការប្រើប្រាស់​គ្រាប់បែក​អា​តូ​មិ​កនៅ​ជប៉ុន​ក្លាយជា​ប្រវត្តិសាស្ត្រ​និង​ រឿងរ៉ាវ​ខ្លោចផ្សា​សម្រាប់​ប្រជាជន​ជប៉ុន​និង​ពិភពលោក​។ ដូច្នេះ​ទោះជា​ក្នុង​កាលៈទេសៈ​ណាក៏ដោយ ការប្រើប្រាស់​អាវុធ​នុយ​ក្លេ​អ៊ែរ​នេះ​មិនអាច​កើតមានឡើង​ជាថ្មី​ទៀតឡើយ​ នៅពេល​ខាងមុខ​។
​

​ទាក់ទិន​សោកនាដកម្ម​នៅ​ហ៊ី​រ៉ូ​ស៊ី​ម៉ា​នេះដែរ លោក បា​រ៉ា​ក់ អូ​បា​ម៉ា ក្លាយជា​ប្រធានាធិបតី​អាមេរិក​ដំបូង​បំផុត​ដែល​អញ្ជើញ​ទៅ​គោរព​វិញ្ញាណ​ក្ខ័ ​ន្ធ​ប្រជាជន​ជប៉ុន​ដែល​បាន​ស្លាប់បាត់​បង់ជីវិត​នៅ​ហ៊ី​រ៉ូ​ស៊ី​ម៉ា​ក្នុង​ ខែឧសភា​កន្លងទៅ ប៉ុន្តែ​លោក​មិនបាន​សុំ​អភ័យទោស​ចំពោះ​ការទម្លាក់​គ្រាប់បែក​នេះឡើយ​។ យ៉ាងណាមិញ លោក​បាន​ឆ្លៀត​ផ្ញើ​សារ​ទៅកាន់​មេដឹកនាំ​ឯទៀត​ជាពិសេស​ប្រទេស​ដែលមាន​អាវុធ​ នុយក្លេអ៊ែរ​ទប់ស្កាត់​ឲ្យ​មាន​កុំ​មានការ​សាយភាយ​ឬ​ឈានដល់​ប្រើប្រាស់​ អាវុធ​ប្រល័យ​លោក​នេះ​ជាថ្មីទៀត​។ ប្រជាជន​ជប៉ុន​សង្ឃឹមថា បណ្តា​មេដឹកនាំ​ពិភពលោក​ផ្សេងទៀត​នឹងធ្វើ​តាម​លោក បា​រ៉ា​ក់ អូ​បា​ម៉ា ហើយ​ជប៉ុន​ក៏​ប្តេជ្ញា​បន្ត​តួនាទី​ជាត​ស៊ូ​មតិ​ជំរុញ​ឲ្យ​មានការ​ធ្វើ​ឲ្យ​ ពិភពលោក​ក្លាយជា​ពិភព​ដែល​គ្មាន​អាវុធ​នុយក្លេអ៊ែរ​ថែម​ទៀតផង​៕
 

​ឯកសារពិគ្រោះ៖
-History.com
-Japan Times

ព័ត៌មានលំអិត »

5 រឿងរ៉ាវទាក់ទិងនឹងកាំភ្លើង នៅសហរដ្ឋអាមេរិក​ ដែលលោកអ្នកនឹងមិនជឿក៏អាចថាបានដែរ

អត្ថបទដោយ ៖ ប៉េង ហុង ម៉ោង ៖

ថ្ងៃមួយនៅក្នុងរដ្ឋ មីសស៊ូរី ខណៈពេលដែលក្មេងស្រីវ័យ9ឆ្នាំម្នាក់កំពុងតែគេងធ្វើកិច្ចការផ្ទះនៅលើ
គ្រែរបស់នាង សុខៗ គ្រាប់កាំភ្លើងអាថ៍កំបាំងមួយគ្រាប់បានហោះមកពីខាងក្រៅផ្ទះ មកត្រូវរូបនាង
រហូតដល់ស្លាប់បាត់បង់ជីវិត។ នេះគឺជាហេតុការណ៍មួយក្នុងចំណោមរាប់ម៉ឺនហេតុការណ៍ដែល
កើតឡើងដោយសារកាំភ្លើងនៅក្នុងសហរដ្ឋអាមេរិក ដែលការពិតទៅនៅមានរឿងរ៉ាវ និងស្ថិតិ
ដែលគួរឱ្យចាប់អារម្មណ៍ជាច្រើនយ៉ាងទៀត ដែលថ្ងៃនេះ ហាស ហាស ហាសូមនាំយកមកជូន
មិត្តអ្នកអានបានអានទុកជាចំណេះដឹង និងជាការកំសាន្តដូចតទៅ៖

1 . បាញ់កាំភ្លើងក្នុងទីប្រជុំជន

ក្នុងឆ្នាំ 2015 មានការបាញ់កាំភ្លើងនៅក្នុងទីប្រជុំជនក្នុងប្រទេសអាមេរិកច្រើនដល់ទៅ 372 ដង មានអ្នករងរបួស 1.870 នាក់ និងស្លាប់ 475 នាក់ បើគិតជាមធ្យមភាគវិញនោះ គឺមានន័យថា មានការបាញ់កាំភ្លើងនៅក្នុងទីប្រជុំជនស្ទើរតែរៀងរាល់ថ្ងៃតែម្តង។ 

2 . បាញ់ក្នុងសាលារៀន

 ក្នុងឆ្នាំ 2015 មានរឿងក្តីដែលកើតចេញពីការបាញ់កាំភ្លើងនៅក្នុងសាលារៀនច្រើនដល់ទៅ 64 ដង ទាំងដែលសាលារៀនគួរតែជាទីកន្លែងមួយដែលនៅឆ្ងាយពីបទឧក្រិដ្ឋកម្មបែបនេះ។

3 . ត្រូវបានបាញ់ស្លាប់

មានមនុស្សចំនួន 13.286 នាក់ត្រូវបានស្លាប់ដោយសារការបាញ់នៅក្នុងប្រទេសអាមេរិកកាលពីឆ្នាំ 2015 និងមានអ្នករងរបួសច្រើនដល់ទៅ 26.819 នាក់ ដោយស្ថិតិទាំងនេះមិនរាប់ការធ្វើអត្ថឃាតដោយការបាញ់កាំភ្លើងឡើយ និងថែមទាំងនៅមានស្ថិតិដ៏គួរឱ្យចាប់អារម្មណ៍ផ្សេងៗទៀតដូចជា កាំភ្លើងដែលត្រូវចោរលួចទៅបាត់នោះ មានតិចជាង 10 % ដែលត្រូវបានតាមរកឃើញមកវិញ និងកាំភ្លើងជាង 400 ដើមត្រូវបានលួចចេញពីក្នុងរថយន្ត និងគិតជាភាគរយគឺ 60 % លួចបានពីរថយន្តដែលមិនបានចាក់សោរ។

4 . ឃាតកម្មដោយប្រើកាំភ្លើងនៅក្នុងប្រទេសអាមេរិក

 
 អាមេរិកជាប្រទេសដែលមានអំពើឃាតកម្មដោយប្រើកាំភ្លើងច្រើនបំផុត ដោយស្ថិតិកាលពីឆ្នាំ 2012 បានបង្ហាញថា អំពើឃាតកម្មនៅក្នុងប្រទេសអាមេរិកដែលមានកាំភ្លើងចូលមកពាក់ព័ន្ធមានច្រើនដល់ទៅ 60% ខណៈដែលប្រទេស កាណាដា 31%  ប្រទេស អូស្រ្តាលី 18.2% និងចក្រភពអង់គ្លេសមានត្រឹមតែ 10% ប៉ុណ្ណោះ។

5 .ប្រៀបធៀបជាមួយសង្រ្គាម

ក្នុងចន្លោះឆ្នាំ 1968 រហូតដល់ 2011 មានមនុស្សដែលស្លាប់បាត់បង់ជីវិតដោយសារកាំភ្លើងច្រើនដល់ទៅ 1.4 លាននាក់ ដែលនេះជាចំនួនដែលខ្ពស់ជាងគ្រប់សង្រ្គាមទាំងអស់ដែលប្រទេសអាមេរិកមានចំណែកពាក់ព័ន្ធរួមជាមួយគេ។ 

ព័ត៌មានលំអិត »

ផ្កាកុលាប និង ប្រជាប្រិយភាព របស់អ្នកស្រី យីងឡាក់

អត្ថបទដោយ ៖ ប៉េង ហុង ម៉ោង ៖

ថ្វីត្បិតតែអ្នកស្រីអស់អំណាចជានាយករដ្ឋមន្ត្រី កាលពីជាង ២ ឆ្នាំមុន ដោយសាររដ្ឋប្រហារយោធារបស់លោកឧត្តមសេនីយ៍ ប្រាយុទ្ធ ក៏ដោយ ក៏ប្រជាប្រិយភាពរបស់អ្នកស្រីនៅតែបានទទួលការគាំទ្រដដែល ។
ជាក់ស្តែងកាលពីថ្ងៃទី ៥ សីហា អ្នកស្រី យីងឡាក់ ឈិនវ៉ាត់ បានឡើងតុលាការតាមការកោះហៅ ជាប់ចោទពីបទ «កិច្ចសន្យារឿងស្រូវ ថៃហៅ (ចាំណាំខាវ)» ដោយចោទទៅលើលោកស្រីជាច្រើនចំណុច តែត្រូវលោកស្រីបដិសេធចោលទាំងអស់ ។ ពេលនោះមានប្រជាជន និង សមាជិកគណបក្សអាវក្រហម«ភឿថៃ»ជាច្រើន មកស្វាគមន៍ ជាមួយនឹង«ផ្កាកុលាប» តំណាងឱ្យសេចក្តីស្រឡាញ់ដ៏ជ្រាលជ្រៅ និង ផ្តល់ជាកម្លាំងចិត្តចំពោះលោកស្រី ៕

ព័ត៌មានលំអិត »

ឳព្រះអើយ ! សត្វឆ្កែរាប់រយក្បាលត្រូវប៉ូលិសដាក់ថ្នាំបំពុលសម្លាប់គ្មានសល់

អត្ថបទដោយ ៖ ប៉េង ហុង ម៉ោង ៖ Friday, August 05, 2016

អណោចអធ័មណាស់ សត្វឆ្កែរាប់រយក្បាលត្រូវគេដាក់ថ្នាំបំពុលដើម្បីសម្លាប់ នៅប្រទេសប៉ាគីស្ថាន ដោយសារតែវាគជាឆ្កែអនាថាគ្មានច្បាស់គ្រប់គ្រង។

តាមប្រព័ន្ធផ្សព្វផ្សាយបានអោយដឹងថា អ្នកដែលសម្លាប់សុនខគឺវាជាក្រុមមន្ត្រីតែម្តង ដែលបានបំពុលសត្វឆ្កែអស់រាប់រយក្បាល នៅក្នុងទីក្រុង ការ៉ាជី ភាគខាងត្បូងនៃប្រទេសប៉ាគីស្ថានដើម្បីកុំអោយឆ្កែទាំងនោះខាំគេខាំឯងអស់មនុស្សរាប់ពាន់នាក់ក្នុង

មួយឆ្នាំៗដូចមុនទៀតរូបថតជាច្រើនសន្លឹកបានបង្ហាញពីសាកសពសត្វឆ្កែត្រូវបានគេប្រមូល

ដាក់ផ្តុំគ្នានៅតាមដងផ្លូវដែលពូកកម្មករចាប់ផ្តើមនាំគ្នាប្រមូលដាក់រថយន្តដើម្បីយកទៅកប់ចោល។

លោក Sattar Javed  អ្នកនាំពាក្យអាជ្ញាធរក្រុងបាននិយាយថា « គ្រាន់តែនៅក្នុងតំបន់តែពីរទេនៅក្នុងទីក្រុង Karachi គេបានសម្លាប់សត្វឆ្កែយ៉ាងហោចណាស់ 700 ក្បាលឯណោះគ្រាន់តែរយៈពេលពីរបីថ្ងៃ»។

ចំពោះរបាយការណ៏នៃការវាយប្រហានេះដែរ លោកបណ្ឌិត Seemin Jamali ដែលជាប្រធានសង្គ្រោះបន្ទាន់នៅមន្ទីរពេទ្យក្នុងតំបន់មានឈ្មោះថា Jinnah បានអោយដឹងថា កាលពីឆ្នាំមុនគឺមានអ្នកជម្ងឺជា 6500 នាក់ហើយដែលត្រូវបានសត្វឆ្កែខាំ ហើយនៅក្នុងឆ្នាំនេះគឺឃើញមាន  3700 ករណី៕

ព័ត៌មានលំអិត »

ផ្អើរអ្នកក្រុង ហាណូវ ពេលលោក OBama ស្រស់ស្រូបអាហារតាមផ្លូវ

អត្ថបទដោយ ៖ ប៉េង ហុង ម៉ោង ៖ Tuesday, August 02, 2016

ហាណូយ: លោកប្រធានាធិបតីអាមេរិកបារ៉ាក់អូបាម៉ាមានអាហារពេលល្ងាចមួយជាមួយពិធីករទូរទស្សន៍និង
មេចុងភៅលោក Anthony Bourdain នៅក្នុងរដ្ឋធានីរបស់ប្រទេសវៀតណាមនៅថ្ងៃច័ន្ទ (23 ឧសភា) ។
ការសន្ទនាដែលបានកើតឡើងនៅលើអាហារនៃ “ចាប៊ុន” (សាច់ជ្រូកដុតនិងមី) របស់ពួកគេនឹងត្រូវបានចាក់ផ្សាយនៅក្នុងវគ្គនៃផ្នែកមួយរបស់កម្មវិធីទូរទស្សន៍ CNN Bourdain មិនស្គាល់មួយ។
លោក​ប័​រ​ដេ​ន​បាន​និយាយ​តាម Twitter ថា អាហារ​មួយពេល​នេះ​អស់ថ្លៃ​ត្រឹមតែ ៦ ដុល្លារ​ប៉ុណ្ណោះ​។ តារា​ក្នុង​កម្មវិធី No Reservations រូបនេះ​ក៏បាន​ស៊ែ​រលើ Instagram ផងដែរ​ថា “​ជំនាញ​កាន់​ចង្កឹះ​របស់លោក​ប្រធានាធិបតី​គឺជា​ចំណុច​ចាប់អារម្មណ៍​ជាងគេ​” ​។
ប្រធានាធិបតី​អូ​បា​ម៉ា​បាន​ជួប​តារា​ទូរទស្សន៍​រូបនេះ​ក្នុងអំឡុង​ ការធ្វើដំណើរ​រយៈពេល​បី​ថ្ងៃ​ដែល​ធ្វើឡើង​ក្នុង​គោលបំណង​ពង្រឹង​ភាពជា​ដៃគូ​ របស់​អាមេរិក​ជាមួយ​វៀតណាម ចំពេល​ដែលមាន​ការកើនឡើង​ការអះអាង​សិទ្ធិ​កាន់កាប់​របស់​ចិន​ក្នុង​តំបន់​។
កាលពីព្រឹកថ្ងៃចន្ទលោកបានប្រកាសការសម្រេចចិត្តរបស់ប្រទេសរបស់លោកក្នុងការបម្រាមលក់
អាវុធរបស់ខ្លួនទៅឱ្យប្រទេសវៀតណាមយ៉ាងពេញលេញ, រមៀលត្រឡប់មកវិញពីការហាមអាយុ
ច្រើនទសវត្សរ៍មកហើយនៅលើអតីតសត្រូវ។

 

ព័ត៌មានលំអិត »

ប្រធានាធិបតីអាហ្សង់ទីនសុំឲ្យ Lionel Messiកុំទាន់លាឈប់ពីក្រុមជម្រើសជាតិ

អត្ថបទដោយ ៖ ប៉េង ហុង ម៉ោង ៖ Friday, July 08, 2016

ប្រធានាធិបតីអាហ្សង់ទីនសុំឲ្យ Lionel Messi កុំទាន់លាឈប់ពីក្រុមជម្រើសជាតិប្រធានាធិបតី
របស់ប្រទេសអាហ្សង់ទីនលោក Mauricio Macri បានស្នើសុំឲ្យខ្សែ ប្រយុទ្ធ Lionel Messi
បន្តលេងឲ្យក្រុម ជម្រើសជាតិទៀតបើទោះបីជាគាត់បានប្តេជ្ញាលាឈប់ក៏ដោយនេះបើតាម
អ្នកនាំពាក្យរបស់ប្រធានាធិបតី ។អ្នកនាំពាក្យខាងលើនេះបានប្រាប់សារព័ត៌មាន AFPតាមទូរស័ព្ទ
ថា“លោក Mauricio Macri បានទូរស័ព្ទទៅកាន់កីឡា ករ LionelMessiដោយប្រាប់ថាគាត់ពិតជា
មានមោទនភាពចំពោះការលេងរបស់ក្រុមជម្រើសជាតិអាហ្សង់ទីនហើយសូមកុំស្តាប់អ្នករិះគន់អី”។
នៅពេលជាមួយគ្នានេះវីរបុរសបាល់ ទាត់អាហ្សង់ទីន Diego Maradona ក៏បាន អំពាវនាវដល់
កីឡាករ Lionel Messi កុំទាន់លាឈប់ពីក្រុមជម្រើសជាតិអីរូបគេត្រូវតែធ្វើដំណើរទៅកាន់
ប្រទេសរុស្ស៊ីដណ្តើម ជើងឯក World Cup ឆ្នាំ២០១៨ ។គួររំលឹកថា ខ្សែប្រយុទ្ធ Lionel Messi
 របស់ក្លិប Barcelona បានប្រកាសលាឈប់ពីក្រុមជម្រើសជាតិបន្ទាប់ពីមិនអាចជួយ ក្រុមជម្រើស
ជាតិអាហ្សង់ទីនឈ្នះជើងឯក Copa America ឆ្នាំ២០១៦ ។កីឡាករវ័យ២៩ឆ្នាំនេះបាននិយាយ

ទាំងសោកស្តាយក្រោយចាញ់ឈីលីថា “សម្រាប់ ខ្ញុំតួនាទីក្នុងក្រុមជម្រើសជាតិគឺចប់ហើយ។ ខ្ញុំបានខិតខំអស់ពីអ្វីដែលខ្ញុំអាចធ្វើបាន។ ខ្ញុំបានលេងវគ្គផ្តាច់ព្រ័ត្រចំនួន៤ដងហើយតែគ្មានសំណាងសោះសម្រាប់ខ្ញុំ”។
ខ្សែប្រយុទ្ធ Lionel Messi ចូលរួមក្រុមអាហ្សង់ទីនឆ្លងទៅវគ្គផ្តាច់ព្រ័ត្រនៃកម្មវិធីធំៗចំនួន៣ដងជាប់ៗគ្នា ប៉ុន្តែសុទ្ធតែបរា ជ័យទាំងអស់ដោយចាញ់ក្រុមអាល្លឺម៉ង់នៅ World Cup ២០១៤ ចាញ់ឈីលីនៅ ក្នុងឆ្នាំ២០១៥ និង២០១៦នៃកម្មវិធី Copa America ។ មិនត្រឹមតែប៉ុណ្ណោះ Messi ក៏ស្ថិតនៅក្នុងក្រុមជម្រើសជាតិអាហ្សង់ទីន ពេលប្រកួតចាញ់ក្រុមប្រេស៊ីលវគ្គផ្តាច់ ព្រ័ត្រ Copa America ឆ្នាំ២០០៧ផងដែរ ៕

ព័ត៌មានលំអិត »