អាមេរិច៖ រថយន្តជាង១០គ្រឿងត្រូវបានលិច បន្ទាប់ពីទឹកកករលាយ

ទីក្រុងសឺណេវ៖ កាលពីថ្ងៃទី០៦កុម្ភៈថ្មីៗកន្លងទៅនេះ មានរថយន្តប្រមាណជាង១០គ្រឿងបានលិចចូលទៅក្នុងបឹងមួយ ដែលស្ថិតនៅក្នុងទីក្រុងសឺណេវនៃសហរដ្ឋអាមេរិច ខណៈពេលដែលទឹកកកក្នុងបឹងចាប់ផ្ដើមរលាយ។
យោងតាមប្រភពដដែលបានអោយដឹងថា ប្រជាជនអាមេរិកតែងតែប្រមូលផ្តុំគ្នាដើម្បីប្រារព្ធធ្វើពិធីបុណ្យអបអររដូវរងារនិងលេងល្បែងកំសាន្តជារៀងរាល់ឆ្នាំ។ មិនតែប៉ុណ្ណោះអ្នកដែលចូលរូមពិធីបុណ្យ តែងតែចតរថយន្តនៅលើទឹកកកនៃបឹងមួយនេះផងដែរ ប៉ុន្តែសំណាងមិនល្អ ខណៈពេលដែលពួកគេកំពុងតែប្រារព្ធពីធីស្រាប់មានរថយន្តជាច្រើនគ្រឿងត្រូវបានលិចចូលទៅក្នុងទឹក ហើយមានរថយន្តតែ៥គ្រឿងប៉ុណ្ណោះដែលត្រូវបានបើកឡើងលើគោកទាន់ពេលវេលា។

តាមប្រភពដដែលបានបន្ថែមថា ករណីលិចរងយន្តនេះមិនបង្កអោយមានមនុស្សស្លាប់នោះទេ ប៉ុន្តែមានរថយន្តជាង១០គ្រឿងត្រួវខូចខាត ហើយពេលនេះក្រុមអ្នកជួយសង្រ្គោះកំពុងតែស្រង់រថយន្តចេញពីទឹកបណ្តើរៗហើយ។