Khmer Local News

បង្ហោះនៅថ្ងៃ ៖ Tuesday, August 09, 2016

លិខិតមិត្តអ្នកអាន៖ អាណាព្យាបាលនិស្សិតម្នាក់ រិះគន់សាស្ត្រាចារ្យមួយរូបនៅសាលាច្បាប់ ថាដូចជំនាន់ប៉ុលពត

អត្ថបទដោយ ៖ ប៉េង ហុង ម៉ោង ៖ Tuesday, August 09, 2016 ពេល៖ Tuesday, August 09, 2016

ព័ត៌មានថ្មីបំផុត

(ភ្នំពេញ)៖ អាណាព្យាបាលនិស្សិតម្នាក់បានរិះគន់លោក អ៊ុន សក្កដា សាស្ត្រាចារ្យសាកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច ថា ជាមនុស្សគ្មានមនោសញ្ចេតនា និងពាក្យសម្ដីមិនសមរម្យខ្វះសីលធម៌ ដូចជំនាន់ប៉ុលពត ដែលមិនសក្ដិសមជាអ្នកអប់រំសិស្សឬនិស្សិត នោះឡើយ។
អាណាព្យាបាលនិស្សិត ឈ្មោះ រិទ្ធ មេត្តាអនុជ បានរៀបរាប់ថា និស្សិតរូបនេះមានជំងឺភ្នែកធ្ងន់ធ្ងរ ដែលទាមទារការព្យាបាលរយៈពេលយូរ។ ប៉ុន្តែទោះជាយ៉ាងនេះក្ដី និស្សិតរូបនេះបានតស៊ូទៅរៀន ដើម្បីបញ្ចប់ថ្នាក់ឆ្នាំទី២ ដើម្បីឈានទៅថ្នាក់ឆ្នាំទី៣ នៅសាលាច្បាប់នេះ។
ដោយសារស្ថានភាពជំងឺមានភាពមិនទៀងទាត់ ធ្វើឲ្យការសិក្សារៀនសូត្រមានបញ្ហាខ្លះៗ ពោលគឺពេលជំងឺមានសភាពធូរស្រាល ក៏បានទៅរៀនជាធម្មតា ហើយពេលជំងឺធ្វើទុក្ខ ដូចជា ស្រវាំងភ្នែក ឬ ឈឺចុកចាប់ភ្នែកខ្លាំងពេក ក៏ពុំបានទៅរៀនជាប់លាប់ទេ ទើបដាក់ពាក្យសុំច្បាប់ទៅគ្រូប្រចាំថ្នាក់ តែលោកគ្រូ អ៊ុន សក្កដា គឺជាមនុស្សគ្មានមនោសញ្ចេតនា ទាល់តែសោះ គឺ គិតតែចុះបញ្ជីអវត្តមានគ្មានច្បាប់ ជារៀងរហូត ដោយពុំមានការយោគយល់ និស្សិតដែលកំពុងមានជំងឺឡើយ។
តាមបទបញ្ជាផ្ទៃក្នុងបានកំណត់ថា និស្សិតអវត្តមាន៦ដង អាចប្រឡងសងបាន តែ៧ដងឡើងទៅមិនអាចប្រឡងសង បានទេ ពោលគឺ ត្រូវរៀនសង ឆ្នាំក្រោយវិញ។ ក្នុងនោះ និស្សិត រិទ្ធ មេត្តាអនុជ អវត្តមានចំនួន៧ដង ដោយសារតែលោក អ៊ុន សក្កដា មិនទទួលយកលិខិតសុំច្បាប់ទេ ទោះជាមានមូលហេតុជំងឺក៏ដោយ ហើយនៅពេលនិស្សិត រិទ្ធ មេត្តាអនុជ ទៅអង្វរ ដើម្បីប្រឡងសងវិញនោះ បែរជាត្រូវលោក អ៊ុន សក្កដា ប្រើពាក្យសម្តីមិនសមរម្យ បែបអសីលធម៌ និងបដិសេធការស្នើសុំប្រឡងសងវិញ របៀបដាច់ខាតដូចជំនាន់ប៉ុលពត ក្នុងអំឡុងឆ្នាំ១៩៧៥ យ៉ាងដូច្នោះដែរ។
យោងតាមសកម្មភាពបែបនេះ អាណាព្យាបាលនិស្សិត រិទ្ធ មេត្តាអនុជ បានសំណូមពរដល់សាកលវិទ្យាធិការ នៃសាកលវិទ្យាល័យភូមិន្ទ នីតិសាស្ត្រ និងវិទ្យាសាស្ត្រសេដ្ឋកិច្ច លោករដ្ឋមន្ត្រីក្រសួងអប់រំ យុវជន និងកីឡា ព្រមទាំងស្ថាប័នពាក់ព័ន្ធផ្សេងៗទៀត ជួយពិនិត្យមើលករណីនេះផង ដើម្បីឲ្យប្រាកដថា វិស័យអប់រំនៅកម្ពុជា គ្មានមនុស្សដូចលោក អ៊ុន សក្កដា ដែលគ្មានសីលធម៌ គ្មានមនោសញ្ចេតនា ដែលមិនសក្ដិសមធ្វើជាសាស្ត្រាចារ្យ នៅសាលាច្បាប់តទៅទៀតទេ។
អាណាព្យាបាលបានបញ្ជាក់ជូនបន្ថែមថា និស្សិត រិទ្ធ មេត្តាអនុជ ភេទស្រី មានទីលំនៅក្នុងខណ្ឌដង្កោ ដែលជិះម៉ូតូរយៈពេលជាងមួយម៉ោង ទើបដល់សាលាច្បាប់។ ចំណែកឪពុកទៀតសោត ជាមន្ត្រីនគរបាលចូលនិវត្តន៍ បានតស៊ូខិតខំរកលុយកាក់ឲ្យកូនរៀនសូត្រទាំងលំបាក បែរជាលោក អ៊ុន សក្កដា គ្មានមេត្តាធម៌ បន្តិចណាសោះ ដូចជាមនុស្សរស់នៅជំនាន់ប៉ុលពត យ៉ាងដូច្នេះដែរ៕

ព័ត៌មានលំអិត »

បង្ហោះនៅថ្ងៃ ៖ Monday, August 08, 2016

មកដឹងមូលហេតុពិត ហេតុអ្វី ឈិន ឡុងដាក់ឈ្មោះ Jackie Chan

អត្ថបទដោយ ៖ ប៉េង ហុង ម៉ោង ៖ Monday, August 08, 2016

កំសាន្ត

គ្រាន់តែឮឈ្មោះJackieChanគ្រប់គ្នាប្រាកដជាស្គាល់ថាជាតារា ក្បាច់គុនហុងកុងដែលល្បីច្រើនទសវត្សរ៍មកហើយ។ប៉ុន្តែកាលពី សប្ដាហ៍មុនJackieបានទៅដល់ទីក្រុង Sydney ប្រទេសអូស្ត្រាលីនិង ធ្វើកិច្ចពិភាក្សាមួយដែលគេឲ្យឈ្មោះថា“JackieChanin Conversation”រៀបចំនៅមជ្ឈមណ្ឌលសិល្បៈ SydneyOperaHouseនឹងបាន ប្រាប់ពីរឿងរ៉ាវពិតនៃឈ្មោះរបស់ខ្លួន។

តារាវ័យ៦២ឆ្នាំទៅដល់ប្រទេសអូស្ត្រាលីដើម្បីត្រៀមថតរឿងថ្មី ចំណងជើងថា“BleedingSteel”។ពេលសម្ភាសន៍Jackieបានប្រាប់ពីជីវិត ខ្លួនមកដល់ប្រទេសអូស្ត្រាលីថាលោកមកនៅប្រទេសនេះតាំងពីអាយុ១៣ ឆ្នាំដោយគ្មានចេះភាសាអង់គ្លេសច្រើនទេ។ពេលមនុស្សម្នាក់នៅទៅនោះ និយាយមកកាន់លោកលោកមិនដឹងតបទៅវិញដូចម្ដេចទេ។

ដោយសារតែភាពលំបាកនៃការសន្ទនាប្រចាំថ្ងៃឪពុកJackieបានចុះ ឈ្មោះគេឲ្យចូលរៀនសាលារដ្ឋមួយដើម្បីពង្រឹងភាសាអង់គ្លេស។តារា ដែលចូលចិត្តសម្ដែងឈុតគ្រោះថ្នាក់ដោយខ្លួនឯងនេះបានប្រាប់ឲ្យដឹង ថា៖”នៅសាលាលោកគ្រូបានសួរខ្ញុំថាឈ្មោះអ្វី?ខ្ញុំតបថាខ្ញុំ ឈ្មោះChanKong-San។ភ្លាមនោះលោកគ្រូនិយាយថាទេឈ្មោះរបស់ប្អូនគឺ Steven។មិនដឹងយ៉ាងមិចខ្ញុំក៏និយាយបាទ”។

ព័ត៌មានលំអិត »

បង្ហោះនៅថ្ងៃ ៖ Saturday, August 06, 2016

ចាំកាលបាន Download ទៀត Pokemon Go ចេញជាផ្លូវការនៅប្រទេសកម្ពុជាយើងហើយ

អត្ថបទដោយ ៖ ប៉េង ហុង ម៉ោង ៖ Saturday, August 06, 2016

កំសាន្ត

ក្តីប្រាថ្នារបស់ Fan Pokemon Go នៅកម្ពុជាបានសម្រេចដូចបំណងហើយ ប្រហែលជាមួយម៉ោងមុននេះ Pokemon Go បានធ្វើការប្រកាសចេញជាផ្លូវការ នៅកម្ពុជាសម្រាប់ App Store និង Play Store ។ គួរបញ្ចាក់ផងដែរ ថាពីមុនយើងធ្លាប់តែលេងលួចលាក់ ដាក់ Fake Location ទៀតទើបអាចលេងបាន តែចាប់ពីពេលនេះ ទៅអស់ក្តីបារម្ភហើយ គឺ ផែនទីនៅកម្ពុជាពិតៗចង់ដើរដល់ណាក៏បានដែរ តាមចាប់ Pokemon Go តាមក្តីបំណងរបស់អ្នក។ តោះចាប់កាលទៀតទាញយកទាំងអស់គ្នាភ្លាមទៅ

ប្រសិនបើលោកអ្នកមិនអាចទាញយកតាមរយៈ តំណរខាងលើទាំងពីរនេះទេ សូមធ្វើការចូលទៅកាន់ App Store ឬ Play Store ដោយខ្លួនឯង និង ស្វែងរក Pokemon Go ប៉ុន្តែ Store របស់អ្នកត្រូវតែដាក់នៅប្រទេស Cambodia ទើបអាចលេងបាននៅកម្ពុជាត្រូវចាំអោយច្បាស់ វាជាចំនុចសំខាន់។

ព័ត៌មានលំអិត »

ថ្ងៃនេះ ៧១ឆ្នាំមុន អាមេរិកទម្លាក់គ្រាប់បរមាណូកម្ទេចទីក្រុងជប៉ុនហ៊ីរ៉ូស៊ីម៉ា

អត្ថបទដោយ ៖ ប៉េង ហុង ម៉ោង ៖

ព័ត៌មានអន្តរជាតិ

ថ្ងៃ ៦ សីហា ឆ្នាំ១៩៤៥ នៅម៉ោងប្រហែល ២ ៖៤៥នាទីព្រឹក (ម៉ោងប្រទេសជប៉ុន) យន្តហោះទម្លាក់គ្រាប់បែក B-29 អាមេរិកមួយគ្រឿងឈ្មោះ Enola Gay បាន ហោះចេញពីកោះTinian ដើម្បីកម្ទេចទីក្រុងជប៉ុន ហ៊ីរ៉ូស៊ីម៉ា។ យន្តហោះនេះបានធ្វើដំណើរមកដល់ទីក្រុងហ៊ីរ៉ូស៊ីម៉ា (Hiroshima) និងដាច់ចិត្តទម្លាក់គ្រាប់នៅម៉ោង៨៖១៦នាទីព្រឹក។ រឿងដែលរន្ធត់បំផុតនោះគ្រាន់តែគ្រាប់បែកបរមាណូធ្លាក់ដល់ដីភ្លាម ទីក្រុងទាំងមូលខ្ទេចស្ទើរគ្មានសល់ ហើយមនុស្សប្រហែល ៨ម៉ឺននាក់ស្លាប់ភ្លាមៗ និងមនុស្សប្រហែល៣៥០០០នាក់ទៀតរងរបួសផងដែរ ។

គ្រាប់បែកបរមាណូ ដែលសម្លាប់មនុស្សរាប់សែននាក់នៅទីក្រុង ហ៊ីរ៉ូស៊ីម៉ាត្រឹមជាគ្រាប់បែកទីមួយ ហើយត្រូវបានគេស្គាល់ឈ្មោះថា Little Boy ។ បីថ្ងៃក្រោយការទម្លាក់គ្រាប់នេះ គ្រាប់បែកបរមាណូមួយគ្រាប់ទៀតត្រូវបានទាហានជើងអាកាសអាមេរិកទម្លាក់ កម្ទេចទីក្រុងជប៉ុន ណាកាសាគី (Nagasaki) ដែលបណ្តាលឲ្យប្រជាជនរាប់ម៉ឺននាក់ផ្សេងទៀតស្លាប់យ៉ាងអាណោចអាធម។

គេដឹងច្បាស់ថា ការទម្លាក់គ្រាប់បែកប្រល័យលោកកម្ទេចទីក្រុងជប៉ុននេះ ជាការសម្រេចចិត្តផ្ទាល់របស់ប្រធានាធិបតីអាមេរិក Harry S. Truman ក្រោយខឹងជប៉ុនមិនព្រមចុះចាញ់សង្គ្រាមលោកលើកទី២ដោយឥតលក្ខខណ្ឌតាម អ្វីដែលភាគីសន្និសីទក្រុង Potsdam បានទាមទារ។ប្រធានាធិបតីយល់ថា ការទម្លាក់គ្រាប់បែកបរមាណូប្រឆាំងជប៉ុននេះនឹងការពារមិនឲ្យសង្គ្រាម រីករាលដាល និងការបាត់បង់ជីវិតមនុស្សកាន់តែច្រើន ប្រសិនជាអាមេរិកត្រូវប្រើប្រាស់ទ័ពវាយឈ្លានពានទឹកដីជប៉ុន។ ប៉ុន្មានថ្ងៃប៉ុណ្ណោះក្រោយរងការបំផ្លិចបំផ្លាញយ៉ាងដំណំដោយគ្រាប់ បរមាណូពីរគ្រាប់ មេដឹកនាំជប៉ុនយល់ព្រមប្រកាសលើកទង់ជ័យស ចុះចាញ់សង្គ្រាមដោយឥតលក្ខខណ្ឌមែន ប៉ុន្តែសង្គ្រាមលោកលើកទី២ចប់ជាផ្លូវការនៅដើមខែកញ្ញាឆ្នាំ ១៩៤៥។

មកទល់ពេលបច្ចុប្បន្ននេះ នៅតែមានការជជែកពិភាក្សាគ្នាជុំវិញការទម្លាក់គ្រាប់បែកនេះ ដោយខ្លះអះអាងថា ការទម្លាក់គ្រាប់បែកបរមាណូប្រឆាំងជប៉ុនជាកំហុសឆ្គងរបស់អាមេរិក ព្រោះអាមេរិកអាចមានវិធីផ្សេងទៀតដើម្បីដាក់គំនៀបឲ្យជប៉ុនចុះចាញ់ ដោយមិនបាច់ប្រើអាវុធប្រល័យលោកនេះឡើយ។ យ៉ាងណាក៏ដោយចុះ ការប្រើប្រាស់គ្រាប់បែកអាតូមិកនៅជប៉ុនក្លាយជាប្រវត្តិសាស្ត្រនិង រឿងរ៉ាវខ្លោចផ្សាសម្រាប់ប្រជាជនជប៉ុននិងពិភពលោក។ ដូច្នេះទោះជាក្នុងកាលៈទេសៈណាក៏ដោយ ការប្រើប្រាស់អាវុធនុយក្លេអ៊ែរនេះមិនអាចកើតមានឡើងជាថ្មីទៀតឡើយ នៅពេលខាងមុខ។

ទាក់ទិនសោកនាដកម្មនៅហ៊ីរ៉ូស៊ីម៉ានេះដែរ លោក បារ៉ាក់ អូបាម៉ា ក្លាយជាប្រធានាធិបតីអាមេរិកដំបូងបំផុតដែលអញ្ជើញទៅគោរពវិញ្ញាណក្ខ័ ន្ធប្រជាជនជប៉ុនដែលបានស្លាប់បាត់បង់ជីវិតនៅហ៊ីរ៉ូស៊ីម៉ាក្នុង ខែឧសភាកន្លងទៅ ប៉ុន្តែលោកមិនបានសុំអភ័យទោសចំពោះការទម្លាក់គ្រាប់បែកនេះឡើយ។ យ៉ាងណាមិញ លោកបានឆ្លៀតផ្ញើសារទៅកាន់មេដឹកនាំឯទៀតជាពិសេសប្រទេសដែលមានអាវុធ នុយក្លេអ៊ែរទប់ស្កាត់ឲ្យមានកុំមានការសាយភាយឬឈានដល់ប្រើប្រាស់ អាវុធប្រល័យលោកនេះជាថ្មីទៀត។ ប្រជាជនជប៉ុនសង្ឃឹមថា បណ្តាមេដឹកនាំពិភពលោកផ្សេងទៀតនឹងធ្វើតាមលោក បារ៉ាក់ អូបាម៉ា ហើយជប៉ុនក៏ប្តេជ្ញាបន្តតួនាទីជាតស៊ូមតិជំរុញឲ្យមានការធ្វើឲ្យ ពិភពលោកក្លាយជាពិភពដែលគ្មានអាវុធនុយក្លេអ៊ែរថែមទៀតផង៕

ឯកសារពិគ្រោះ៖
-History.com
-Japan Times

ព័ត៌មានលំអិត »

ល្បីពេញសកលលោក ទូរទស្សន៍កីឡា Fox Sports របស់អាមេរិក ផ្សាយពីប្រវត្តិកីឡាការិនីឆ្នើមកម្ពុជា ស៊ន សៀវម៉ី

អត្ថបទដោយ ៖ ប៉េង ហុង ម៉ោង ៖

កំសាន្ត នឹង កីឡា

(ភ្នំពេញ)៖ កាន់តែល្បីថែមទៀត និងពិភពលោកស្គាល់កម្ពុជា កាន់តែច្បាស់ពីការរីកចម្រើននៃវិស័យកីឡារបស់កម្ពុជា តាមរយៈទូរទស្សន៍កីឡាដ៏ល្បីនៅទូទាំងពិភពលោករបស់រដ្ឋអាមេរិក Fox Sports ដែលផ្សាយជាភាសាអង់គ្លេស ផ្សព្វផ្សាយពី ប្រវត្តិវីរៈកីឡាការិនីតេក្វាន់ដូ ស៊ន សៀវម៉ី នាពេលថ្មីនេះ។
ទូរទស្សន៍ដែលគ្របដណ្តប់នៃការផ្សាយស្ទើរតែ ៥ទ្វីប ជាភាសាអង់គ្លេស ២៤ម៉ោងជារៀងរាល់ថ្ងៃបានធ្វើការចាក់ផ្សាយ ពីលទ្ធផលជ័យជំនះរបស់កីឡាការិនី វ័យទើបតែ២០ឆ្នាំ កម្ពស់ ១.៨៣ម៉ែត្រ ស៊ន សៀវម៉ី ក្នុងខណៈដែលនាងហ្វឹកហាត់ ឈ្នះមេដាយនានានៅលើឆាកអន្តរជាតិ និងទទួលគ្រឿងឥស្សរយសពីសម្តេចតេជោ ហ៊ុន សែន នាយករដ្ឋ មន្រ្តីនៃកម្ពុជាផងដែរ។

ការលើកយកពីប្រវត្តិរបស់ ស៊ន សៀវម៉ី មកធ្វើការចាក់ផ្សាយនៅលើកញ្ចក់ទូរទស្សន៍របស់គេនេះ ស្របពេលដែល ពិភពកំពុងតែធ្វើការចាប់អារម្មណ៍ទៅ សៀវម៉ី ដែលត្រៀមនឹងប្រកួតប្រជែងយកមេដាយក្នុងកីឡាអូឡាំពិកហ្គេម នៅទីក្រុង Rio de Janeiro នៃប្រទេសប្រេស៊ីល ដែលត្រូវជួបកីឡាការិនីជើងខ្លាំងរបស់ប្រទេសហូឡង់ Oogink នៅថ្ងៃទី២០ ខែសីហាខាងមុខ ក្រោយពេលនាងឈ្នះមេដាយមាស នៃវគ្គជម្រុះ Olympic Games នៅប្រទេសហ្វីលីពីន តាំងពីខែមេសា ឆ្នាំ២០១៦។
ទូរទស្សន៍វ័យចំណាស់ ដែលបានបង្កើតឡើងតាំងពីឆ្នាំ១៩៨៦ មក ក៏បានធ្វើការសម្ភាសន៍ផ្ទាល់ជាមួយនឹងកីឡាការិនី ស៊ន សៀវម៉ី ផងដែរ និងមោទនភាព ចំពោះជាតិកម្ពុជាដែលមានរូបនាង ដោយនាងបានថ្លែងថា «ខ្ញុំស្អប់មនុស្សប្រុស ដែលវាយដំធ្វើបាបស្រីៗ។ មនុស្សប្រុសដែលខ្ញុំយកធ្វើជាអនាគត គឺបុរសឲ្យតម្លៃខ្ញុំ និងផ្តល់កិត្តិយសឲ្យខ្ញុំ... តែខ្ញុំមិន ទាន់គិតគូរទេ ព្រោះនៅរៀន»។ ជីវិតជួបព្យុះភ្លៀង ភ្លើងឆេះផ្ទះ ហើយឪពុកស្លាប់ក្នុងគ្រោះថ្នាក់ចរាចរណ៍ ជីវភាពតោក យ៉ាកទម្រាំបានមកដល់ថ្ងៃនេះ។ សូមយុវជនទាំងអស់ខំតស៊ូ មិនត្រូវអស់សង្ឃឹមឡើយ៕

ព័ត៌មានលំអិត »

អាហារផ្តល់គុណវិបត្តិ ដែលអ្នកម្តាយត្រូវប្រយ័ត្ន

អត្ថបទដោយ ៖ ប៉េង ហុង ម៉ោង ៖

សុខភាព

ការបរិភោគតាមក្បួនភោជនាហារ សំខាន់ចំពោះអ្នកម្តាយ និងទារកក្នុងផ្ទៃណាស់ ព្រោះអាហារប្រភេទខ្លះអាចមានផលប៉ះពាល់ដល់រាងកាយ អាចធ្វើឱ្យអ្នកម្តាយឈឺថ្កាត់បាន ដូច្នេះអ្នកម្តាយមានគភ៌ត្រូវតែប្រយ័ត្នប្រយែង យកចិត្តទុកដាក់ក្នុងរឿងការហូបចុកឱ្យបានកាន់តែខ្លាំងឡើង ។
ដូច្នេះហើយនៅពេលនេះ ហាស ហាស ហា សូមជំរាបជូននូវអាហារដែលអ្នកម្តាយមានគភ៌គួរប្រយ័ត្នដូចខាងក្រោម ៖
– គ្រំ ងាវ
ទោះវាជាអាហារដែលមានជាតិ អុីយ៉ូតខ្ពស់មែន តែក៏មានបរិមាណកូលេស្តេរ៉ូលខ្ពស់ដែរ ដូចជា គ្រំអយស័្ទរ ងាវ គ្រំចំពុះទា – ល – ។ អ្នកម្តាយដែលមានជាតិខ្លាញ់នៅក្នុងឈាមខ្ពស់ គួរតម តែបើសិនជាចង់ញ៉ាំខានមិនបាននោះ រឿងដែលត្រូវយកចិត្តទុកដាក់នោះគឺ រឿង ភាពស្រស់ថ្មី ឆ្អិន ស្អាតមានអនាម័យ ដើម្បីការពាររឿងមេរោគ និងអាការរាករូស ។
– បន្លែឡើងទ្រើង ឬបន្លែវល្លិ៍
បន្លែត្រួយខ្ចីៗ ដូចជា ស្លឹកបាស ត្រួយម្រះ ត្រួយល្ពៅ សុទ្ធតែមានសារធាតុ ពូរីន (Purin) ខ្ពស់ នៅពេលរំលាយហើយ នឹងក្លាយជាអាស៊ីត យូរិក បើអ្នកម្តាយមានគភ៌កើតរោគឈឺសន្លាក់ដៃជើង ហើយញ៉ាំអាហារប្រភេទនេះ អាចនឹងធ្វើឱ្យអាការរោគកំរើកកាន់តែខ្លាំង ដូច្នេះពេលបរិភោគគួរបេះដើមដែលជាវល្លិ៍របស់បន្លែពពួកនេះចេញជាមុនសិនផង ។
– អាហារដែលមានរសជាតិខ្លាំង និងក្តៅហឹរ
អាហារមានរសជាតិខ្លាំងៗ ជាអាហារដែលអ្នកម្តាយមានគភ៌ជាច្រើនចូលចិត្ត មិនថាតែជូរខ្លាំង ហឹរខ្លាំង ឬប្រៃខ្លាំងឡើយអាហារដែលមានរសជាតិខ្លាំងៗ ក្តៅហឹរ គឺជាអាហារដែលអ្នកម្តាយមានគភ៌គួរប្រយ័ត្នជាមួយនឹងផលប៉ះពាល់ដែលនឹងកើតឡើង ដូចជា រាក ឈឺពោះ ហើយធ្ងន់ធ្ងរផងនោះអាចនឹងកើតការជ្រៀតជ្រែករបស់មេរោគផ្សេងទៀតផង ។
– អាហារស្ទើរឆៅ ស្ទើរឆ្អឹន និងអាហារកំប៉ុង
ក្បួនភោជនាហារដែលត្រឹមត្រូវបានធ្វើការណែនាំហើយថា សាច់សត្វគ្រប់ប្រភេទត្រូវចម្អិនឱ្យឆ្អិន ដើម្បីការពារមេរោគ និងសត្វល្អិត ចំណែកឯរឿងថាចង់ចម្អិនបែបណានោះ ស្រេចតែស្ទីលដែលម្នាក់ៗចូលចិត្ត ។ សម្រាប់អាហារកំប៉ុងវិញ មានសារជាតិអាហារដែលទទួលបានតិចជាងការចម្អិនស្រស់ៗ ហើយមានការបន្ថែមសារធាតុតុបតែងអាហារច្រើន ដូច្នេះបើមិនចាំបាច់ទេ គួរចៀសវាង ឬបើចង់ញ៉ាំវិញនោះ ត្រូវជ្រើសរើសយកអាហារកំប៉ុងណាដែលមានសុវត្ថិភាពបំផុត ដូចជាគ្មានស្នាមក្រពិត កំប៉ុងឡើងច្រែះ ហើមមានជាតិហ្កាសនៅខាងក្នុង ឬមានក្លិនផ្លែកៗជាដើម ។
– ភេស្ជជះ
ប្រភេទដែលមាន លាយកាហ្វេអុីន ដូចជា ទឹកតែ កាហ្វេ ទឹកភេស្ជជះកំប៉ុងជាដើម សុទ្ធតែជាភេស្ជជះដែលមិនត្រូវបានណែនាំឱ្យអ្នកម្តាយគភ៌ទទួលទានឡើយ ព្រោះគ្មានទទួលបានប្រយោជន៍អ្វីទាំងអស់ តែក៏មិនដល់ថ្នាក់ហាមដាច់ខាតនោះដែរ គ្រាន់តែគួរញ៉ាំឱ្យបានសក្តិសម គឺញ៉ាំឱ្យតិចបំផុត តែបើញ៉ាំជាប់ជាប្រចាំ ឬញ៉ាំច្រើនៗនោះ នឹងមានផលប៉ះពាល់អាក្រក់ដល់ខ្លួនអ្នកម្តាយ និងកូនតូចផងដែរ ។
ជាពិសេសក្នុងត្រីមាសទី 2 និងទី 3 អ្នកម្តាយមានគភ៌គួរចៀសវាងអាហារប្រភេទម្សៅ ឬអាហារដែលមានជាតិស្ករច្រើនព្រោះអាចប្រថុយប្រថាននឹងសភាវទឹកនោមផ្អែមបាន៕

ព័ត៌មានលំអិត »

5 រឿងរ៉ាវទាក់ទិងនឹងកាំភ្លើង នៅសហរដ្ឋអាមេរិក ដែលលោកអ្នកនឹងមិនជឿក៏អាចថាបានដែរ

អត្ថបទដោយ ៖ ប៉េង ហុង ម៉ោង ៖

ព័ត៌មានអន្តរជាតិ

ថ្ងៃមួយនៅក្នុងរដ្ឋ មីសស៊ូរី ខណៈពេលដែលក្មេងស្រីវ័យ9ឆ្នាំម្នាក់កំពុងតែគេងធ្វើកិច្ចការផ្ទះនៅលើ
គ្រែរបស់នាង សុខៗ គ្រាប់កាំភ្លើងអាថ៍កំបាំងមួយគ្រាប់បានហោះមកពីខាងក្រៅផ្ទះ មកត្រូវរូបនាង
រហូតដល់ស្លាប់បាត់បង់ជីវិត។ នេះគឺជាហេតុការណ៍មួយក្នុងចំណោមរាប់ម៉ឺនហេតុការណ៍ដែល
កើតឡើងដោយសារកាំភ្លើងនៅក្នុងសហរដ្ឋអាមេរិក ដែលការពិតទៅនៅមានរឿងរ៉ាវ និងស្ថិតិ
ដែលគួរឱ្យចាប់អារម្មណ៍ជាច្រើនយ៉ាងទៀត ដែលថ្ងៃនេះ ហាស ហាស ហាសូមនាំយកមកជូន
មិត្តអ្នកអានបានអានទុកជាចំណេះដឹង និងជាការកំសាន្តដូចតទៅ៖

1 . បាញ់កាំភ្លើងក្នុងទីប្រជុំជន

ក្នុងឆ្នាំ 2015 មានការបាញ់កាំភ្លើងនៅក្នុងទីប្រជុំជនក្នុងប្រទេសអាមេរិកច្រើនដល់ទៅ 372 ដង មានអ្នករងរបួស 1.870 នាក់ និងស្លាប់ 475 នាក់ បើគិតជាមធ្យមភាគវិញនោះ គឺមានន័យថា មានការបាញ់កាំភ្លើងនៅក្នុងទីប្រជុំជនស្ទើរតែរៀងរាល់ថ្ងៃតែម្តង។

2 . បាញ់ក្នុងសាលារៀន

ក្នុងឆ្នាំ 2015 មានរឿងក្តីដែលកើតចេញពីការបាញ់កាំភ្លើងនៅក្នុងសាលារៀនច្រើនដល់ទៅ 64 ដង ទាំងដែលសាលារៀនគួរតែជាទីកន្លែងមួយដែលនៅឆ្ងាយពីបទឧក្រិដ្ឋកម្មបែបនេះ។

3 . ត្រូវបានបាញ់ស្លាប់

មានមនុស្សចំនួន 13.286 នាក់ត្រូវបានស្លាប់ដោយសារការបាញ់នៅក្នុងប្រទេសអាមេរិកកាលពីឆ្នាំ 2015 និងមានអ្នករងរបួសច្រើនដល់ទៅ 26.819 នាក់ ដោយស្ថិតិទាំងនេះមិនរាប់ការធ្វើអត្ថឃាតដោយការបាញ់កាំភ្លើងឡើយ និងថែមទាំងនៅមានស្ថិតិដ៏គួរឱ្យចាប់អារម្មណ៍ផ្សេងៗទៀតដូចជា កាំភ្លើងដែលត្រូវចោរលួចទៅបាត់នោះ មានតិចជាង 10 % ដែលត្រូវបានតាមរកឃើញមកវិញ និងកាំភ្លើងជាង 400 ដើមត្រូវបានលួចចេញពីក្នុងរថយន្ត និងគិតជាភាគរយគឺ 60 % លួចបានពីរថយន្តដែលមិនបានចាក់សោរ។

4 . ឃាតកម្មដោយប្រើកាំភ្លើងនៅក្នុងប្រទេសអាមេរិក

អាមេរិកជាប្រទេសដែលមានអំពើឃាតកម្មដោយប្រើកាំភ្លើងច្រើនបំផុត ដោយស្ថិតិកាលពីឆ្នាំ 2012 បានបង្ហាញថា អំពើឃាតកម្មនៅក្នុងប្រទេសអាមេរិកដែលមានកាំភ្លើងចូលមកពាក់ព័ន្ធមានច្រើនដល់ទៅ 60% ខណៈដែលប្រទេស កាណាដា 31% ប្រទេស អូស្រ្តាលី 18.2% និងចក្រភពអង់គ្លេសមានត្រឹមតែ 10% ប៉ុណ្ណោះ។

5 .ប្រៀបធៀបជាមួយសង្រ្គាម

ក្នុងចន្លោះឆ្នាំ 1968 រហូតដល់ 2011 មានមនុស្សដែលស្លាប់បាត់បង់ជីវិតដោយសារកាំភ្លើងច្រើនដល់ទៅ 1.4 លាននាក់ ដែលនេះជាចំនួនដែលខ្ពស់ជាងគ្រប់សង្រ្គាមទាំងអស់ដែលប្រទេសអាមេរិកមានចំណែកពាក់ព័ន្ធរួមជាមួយគេ។

ព័ត៌មានលំអិត »

បង្ហោះនៅថ្ងៃ ៖ Tuesday, August 09, 2016

លិខិតមិត្តអ្នកអាន៖ អាណាព្យាបាលនិស្សិតម្នាក់ រិះគន់សាស្ត្រាចារ្យមួយរូបនៅសាលាច្បាប់ ថាដូចជំនាន់ប៉ុលពត

បង្ហោះនៅថ្ងៃ ៖ Monday, August 08, 2016

មកដឹងមូលហេតុពិត ហេតុអ្វី ឈិន ឡុងដាក់ឈ្មោះ Jackie Chan

បង្ហោះនៅថ្ងៃ ៖ Saturday, August 06, 2016

ចាំកាលបាន Download ទៀត Pokemon Go ចេញជាផ្លូវការនៅប្រទេសកម្ពុជាយើងហើយ

ថ្ងៃនេះ ៧១ឆ្នាំមុន អាមេរិកទម្លាក់គ្រាប់បរមាណូកម្ទេចទីក្រុងជប៉ុនហ៊ីរ៉ូស៊ីម៉ា

ល្បីពេញសកលលោក ទូរទស្សន៍កីឡា Fox Sports របស់អាមេរិក ផ្សាយពីប្រវត្តិកីឡាការិនីឆ្នើមកម្ពុជា ស៊ន សៀវម៉ី

អាហារផ្តល់គុណវិបត្តិ ដែលអ្នកម្តាយត្រូវប្រយ័ត្ន

5 រឿងរ៉ាវទាក់ទិងនឹងកាំភ្លើង នៅសហរដ្ឋអាមេរិក ដែលលោកអ្នកនឹងមិនជឿក៏អាចថាបានដែរ

ព័ត៌មានពិសេស

Galaxy Note 7 ជាទូរស័ព្ទល្អដាច់គេលើពិភពលោក?

រឿង សង្សារខ្ញុំក្រមំុកូន១

អត្ថបទពេញនិយម