កម្មករ១៧នាក់បាត់បង់ជិវិត និង២៣នាក់ទៀតរងរបួសធ្ងន់ស្រាលក្នុងហេតុការណ៍បាក់អគារនៅចិន

ចិន៖ អគារកម្ពស់ពីរជាន់ដែលសាងសង់តាំងពីទសវត្ស៩០នៅខេត្តHenanបានបាក់រលំសង្កត់កម្មករសំណង់ស្លាប់១៧នាក់និងរងរបួស២៣នាក់ ខណៈពេលកម្មករកំពុងជួសជុលឡើងវិញនូវគ្រឹះរបស់អគារ។ ក្រុមសង្គ្រោះបានខិតខំពេញមួយយប់ធ្វើការស្វែងរកសាកសពនិងទាញយកកម្មករដែលនៅរស់រានមានជីវិត ​ចេញ​ពីគំនរ​បាក់​​បែក​អគារ​នៅ​Beiwudu​ស្រុក​Wuyang។

បើតាមអាជ្ញាធរចិនបានអោយដឹងថា បច្ចុប្បន្នអ្នករងរបួសធ្ងន់៩នាក់កំពុងសំរាកព្យាបាលនៅក្នុងមន្ទីរពេទ្យ​ ក្បែរក្រុង​Louche​។​​​បើ​​តាម​សម្តីជនរងគ្រោះម្មាក់ឈ្មោះ Feng Guoqing​បានអោយដឹងថា ពួកគាត់ភាគច្រើនជាកសិករមកពីខេត្តNanyang ហើយទទួលបានការបំពាក់បំប៉នបានតិចតួច ហើយអ្នកខ្លះទៀតក៏អត់បានទទួលការបំពាក់បំប៉ន់អ្វីឡើយ។គាត់បានបន្ថែមទៀតថា ខណៈពេលពួកគាត់កំពុងប្រើដូយដើម្បីលើកជ្រុងផ្ទះឡើងក៏ស្រាប់តែវាផ្លាត់ធ្វើអោយបាក់រលំផ្ទះតែម្តង។

ទោះជាយ៉ាងណាក្តី អាជ្ញាធរកំពុងធ្វើការស៊ើបអង្កេតលើករណីនេះដើម្បីស្វែងរកដើមហេតុដែលធ្វើអោយអគារនេះមានការបាក់រលំ។
ប្រភព៖ BBC