រសៀលថ្ងៃទី ២ខែសីហា កំពូលកីឡាករប្រដាល់ Mike Tyson បានដាក់ជើងមកដល់ទីក្រុងហូជីមិញតាមការអញ្ជើញរបស់ផលិតករភាពយន្ត វៀតណាម Tran Bao Son ដើម្បីថតភាពយន្ត “Girls 2- girls and gangster”។ នេះគឺជាភាពយន្តអាស៊ីទី២របស់តារាវ័យ៥០នេះក្រោយរឿង “Ip Man 3” ដែលបានសម្ដែងរួមជាមួយនឹងតារាសម្ដែង Donnie Yen កាលពីឆ្នាំមុន។
តារាសម្ដែងនិងផលិតករ Tran Bao Son បានឲ្យដឹងថាតួរឿង “Ip Man 3” នឹងត្រូវថតនៅវៀតណាមក្នុងរយៈពេល១សប្ដាហ៍មុនពេលត្រូវថតបន្តនៅ អាមេរិក។ ដៃគូសម្ដែងជាមួយអតីតកីឡាប្រដាល់នេះគឺតារាសម្ដែងស្រី Jannie Chang ដែលជាតួបងស្រីរបស់ Fan Bingbing ក្នុងរឿង “មហិច្ឆតាអ៊ូម៉ីនាង”។ “Girls 2 – girls and gangster” គឺជាគម្រោងភាពយន្តធំមួយរបស់ផលិតករ Tran Bao Son ដែលមានលោកជាអ្នកសម្ដែងតួឯក។ រឿងនេះប្រមូលផ្ដុំទៅដោយតារាល្បីអាស៊ីជាច្រើនដោយមានតួភ្ញៀវ កិត្តិយសគឺ Mike Tyson។ តាមការគ្រោងទុក រឿងនេះនឹងត្រូវបានដាក់បញ្ចាំងនៅហុងកុងនិងប្រទេសមួយចំនួននៅ អាស៊ីក្នុងឱកាសបុណ្យណូអែលឆ្នាំ ២០១៦ ហើយក្រោយមកទើបបញ្ចាំងនៅវៀតណាម៕
បញ្ចេញមតិ Comment របស់លោកអ្នកគឺជាការលើទឹកចិត្ត ដ៏សំខាន់មួយដល់ក្រុមការងាររបស់ KHMER LOCAL NEWS ( ដំណឹងស្រុកខ្មែរ ) ទោះបីជា មតិនោះរិះគន់ ឬសរសើរក្ដី ក៏ក្រុមការងារយើងខ្ញុំ ទទួល យក ដោយក្ដីរីករាយបំផុត ដើម្បីធើ្វការស្ថាបនា ត្រង់ចំណុចខ្វះខាតទាំងនោះ ដោយក្តីគោរព !!!